"Милан" ҳужумчиси Рафаэль Леау яқинда Сандро Тоналининг "Ньюкасл"га сотилгани ҳақида фикр билдирди.
Ярим ҳимоячи инглиз клуби сафига келиб, 2028 йилгача мўлжалланган шартнома имзолади. Ушбу трансфер "қарғалар"га 70 миллион еврога тушди, яна 10 миллион "Милан" ҳисобини бонуслар кўринишида тўлдириши мумкин.
“Тонали биз учун жуда муҳим эди, шунинг учун унинг кетишини умуман кутмагандим. У ярим ҳимояда муҳим роль ўйнади ва мен уни Гаттузонинг давомчиси сифатида кўргандим.
Биламан, Сандро болалигидан “Милан”га мухлислик қилади. Ажойиб муносабатларимиз бор эди. Унга янги жойида муваффақиятлар тилайман", - дея португалияликнинг сўзларини келтиради Football Italia.
