Ярим ҳимоячи Нико Гонсалес, агар хизматларига "Манчестер Сити" қизиқаётган нидерландиялик Френки де Йонг клубини тарк этса, "Барселона"нинг асосий футболчисига айланиши мумкин.

Mundo Deportivo хабарига кўра, "кўк-анорранглилар" устози Хави Эрнандес футболчининг мавсумолди йиғинларда ўйинин баҳоламоқчи. Гонсалеснинг ўзи жамоадан асосий таркиб учун курашишга тайёр.

Нико ўтган мавсумда "Валенсия"да ижара асосида ўйнаганди. Ярим ҳимоячи 26 учрашувда қатнашиб, битта гол ва битта голли узатмага муаллифлик қилган. Transfermarkt унинг нархини 10 миллион еврога баҳоламоқда.