"Рома" ҳужумчиси Пауло Дибала Саудия Арабистонига ўтишдан бош тортди.
Il Messaggero хабарига кўра, 29 ёшли футболчининг трансферига "Ал-Ҳилол" клуби қизиқиш билдирган. Клуб римликларга 12 миллион евро товон пули тўлашга тайёр эди ва футболчининг ўзига маошини сезиларли даражада ошириш таклиф қилинди. “Рома”да аргентиналик футболчи йилига 6 миллион евро маош олади.
Бироқ Дибала бу таклифни рад этди, чунки у Рим жамоасида қолиш ниятида.
Аргентиналик футболчи 2022 йилнинг ёзидан буён "Рома"да ўйнамоқда, шартномаси 2025 йилнинг ёзига қадар амал қилади. 2022/23 йилги мавсумда у жамоа сафида 38 та ўйинда майдонга тушиб, 18 та гол урди ва 8 та голли узатмани амалга оширди.
