Валентино Ливраменто "Челси"га қайтиши мумкин.
Лондон клуби "Саутгемптон" билан ҳимоячининг трансфери борасида музокаралар олиб бормоқда, деб хабар беради Daily Mail. Шартнома футболчининг келаси мавсумда "авлиёлар" сафида ижара асосида қолиши вариантини ўз ичига олиши мумкин.
"Саутгемптон" 20 ёшли футболчини 38 миллион фунтга баҳоламоқда ва "Ньюкасл"дан келган иккита таклиф, 12 миллион ва 21 миллион фунт стерлингни рад этди.
Ливраменто - "Челси" тарбияланувчиси. У 2011 йилдан 2021 йилгача клуб тизимида бўлган ва 8 миллион фунт стерлинг эвазига "Саутгемптон"га ўтган.
Хабарларга кўра, "Челси" шунингдек "Фламенго" ҳужумчиси Матеус Франсезага қизиқиш билдирмоқда. Трансфер суммаси 25 миллион фунтга баҳоланмоқда.
