"Реал"нинг янги футболчиси Жуд Беллингем Англия терма жамоасининг собиқ ярим ҳимоячиси Девид Бекхэм "Қироллик клуби"га ўтишидан олдин унга нималар тилаганини айтди.
“Бекхэм мен билан боғланиб, энг яхши тилакларини айтди. “Реал”дек клубга ўтсангиз, кўп маслаҳат ва тавсияларни эшитасиз. Ҳозирча мен Мадрид жамоасининг собиқ ўйинчиларидан фақат ижобий шарҳлар олдим", - деди ярим ҳимоячи.
Беллингем 103 миллион евро эвазига Дортмунднинг "Боруссия"сидан "Реал"га ўтган эди. "Қаймоқранглилар" англиялик футболчи билан 2029 йилнинг ўрталарига қадар узоқ муддатли шартнома имзолади.
