"Челси" "Лион" ярим ҳимоячиси Райан Шеркига қизиқиш билдирмоқда. Бу ҳақда журналист Бобби Винсент хабар берди.
Манбага кўра, Лондон клуби 19 ёшли франциялик футболчини қўлга киритишга жиддий ёндашмоқда, чунки "кўклар" бош мураббийи Маурисио Почеттино "Манчестер Юнайтед"га кетган Мейсон Маунтнинг ўрнига ўринбосар қидирмоқда.
Шеркининг "Лион" билан амалдаги шартномаси 2025 йилнинг ёзига қадар тузилган. Transfermarkt портали ёш франциялик футболчини 30 миллион еврога баҳоламоқда.
Ҳужумкор ярим ҳимоячи ўтган мавсумда "Лион" таркибида 39 та ўйинда майдонга тушиб, 5 та гол урди ва 6 та голли узатмани амалга оширди. Аввалроқ, "Реал" ҳам Шеркини кузатиб бораётгани ҳақида хабар берилганди.
