"Манчестер Юнайтед" яқин вақт ичида "Челси" ярим ҳимоячиси Мейсон Маунт билан шартнома имзолаганини эълон қилмоқчи.
Инсайдер Фабрицио Романонинг ижтимоий тармоқларда хабар беришича, 24 ёшли ярим ҳимоячи аллақачон "қизил иблислар" учун тиббий кўрикдан ўтган. Сўров натижасида ҳеч қандай муаммо аниқланмади.
Мейсон Маунт - "Челси" тарбияланувчиси. "Кўклар"нинг асосий жамоаси учун ярим ҳимоячи 195 ўйин ўтказиб, 33 гол урган ва шерикларига 37 голли узатма берган.
Эслатиб ўтамиз, "Манчестер Юнайтед" Англиянинг сўнгги чемпионатида учинчи ўринни эгаллаб, Чемпионлар лигаси гуруҳ босқичига йўлланма олди.
