"Бавария" вингери Садио Мане фаолиятини Саудия Арабистонида давом эттириши мумкин.
Bild хабарига кўра, 31 ёшли футболчига кеча Стивен Жеррард бошчилик қилаётган "Ал-Иттифоқ" ва "Ан-Наср" клублари қизиқиш билдирган. Англиялик мураббий ва сенегаллик бир-бирини яхши билишади. Жеррард Манени янги жамоасида кўрмоқчи.
Манбанинг хабарига кўра, "Ан-Наср" ва "Ал-Иттифоқ" "Бавария" трансфери учун пул тўлашга ва футболчининг маошини сезиларли даражада оширишга тайёр. Мумкин бўлган трансфер кўп жиҳатдан Маненинг ўзи Саудия Арабистонига ўтишни хоҳлайдими ёки йўқлигига боғлиқ бўлади.
2022/23 йилги мавсумда вингер “Бавария” сафида 38 та ўйинда майдонга тушиб, 12 та гол урди ва 6 та голли узатмани амалга оширди. Шартнома 2025 йилнинг ёзига қадар мўлжалланган. Transfermarkt портали футболчининг нархини 25 миллион еврога баҳоламоқда.
