"Челси" ярим ҳимоячиси Каллум Хадсон-Одои ёзда Лондон клубини тарк этишга қарор қилди. Бу ҳақда The Athletic хабар бермоқда.
Манба берган хабарга кўра, кеча 22 ёшли футболчи "кўклар"нинг мавсумолди машғулотларига етиб келган ва у ерда ўз клубини тарк этишга қарор қилган.
Эслатиб ўтамиз, ўтган мавсумни Хадсон-Одои Леверкузеннинг "Байер" клубида ижарада ўтказган эди. Вингернинг "Челси" билан амалдаги шартномаси 2024 йилнинг ёзига қадар мўлжалланган.
Германия Бундеслигасининг сўнгги мавсумида Хадсон-Одои 14 та ўйин ўтказиб, битта голли узатмани амалга оширди.
Transfermarkt портали англиялик футболчини 15 миллион еврога баҳоламоқда.
