"Манчестер Юнайтед" дарвозабони Давид де Хеа "Фенербахче"га ўтиши мумкин.
Туркиянинг Fotomac нашри хабарига кўра, “Фенербахче” испаниялик машҳур дарвозабон Давид де Хеа билан ҳамкорлик қилишни мақсад қилган. Клуб шу ҳафта унинг агенти билан учрашиб, унга шартнома таклиф қилишни режалаштирмоқда.
2011 йилдан буён “Манчестер Юнайтед”да тўп тепаётган Де Хеа дунёнинг энг таниқли ва иқтидорли дарвозабонларидан бирига айланди. Бироқ сўнгги пайтларда у "қизил иблислар" раҳбарияти билан янги шартномаси бўйича музокара қилишда қийналмоқда.
Ўтган мавсумда де Хеа 58 та ўйин ўтказиб, 61 та гол ўтказиб юборган.
