Франциянинг “Лион” клуби ярим ҳимоячиси Тьяго Мендес ёзда Осиёга йўл олиши мумкин.

Саудия Арабистони клублари фаол қизиқиш билдираётганига қарамай, бразилиялик футболчи Лига 1ни тарк этиб, Қатарнинг “Ар-Райян” жамоасига ўтиш ниятида. Таниқли журналист Фабрицио Романонинг хабар беришича, томонлар ўртасида тўлиқ келишув аллақачон тузилган ва чоршанба куни футболчини янги клубида тиббий кўрикдан ўтказиш режалаштирилган.

Эслатиб ўтамиз, Мендес "Лион"да 2019 йилдан буён ўйнаб келмоқда. Transfermarkt шартномаси 2025 йилгача амал қиладиган 31 ёшли ярим ҳимоячининг нархини беш миллион еврога баҳоламоқда.