Fransiyaning “Lion” klubi yarim himoyachisi Tyago Mendes yozda Osiyoga yo‘l olishi mumkin.

Saudiya Arabistoni klublari faol qiziqish bildirayotganiga qaramay, braziliyalik futbolchi Liga 1ni tark etib, Qatarning “Ar-Rayyan” jamoasiga o‘tish niyatida. Taniqli jurnalist Fabrisio Romanoning xabar berishicha, tomonlar o‘rtasida to‘liq kelishuv allaqachon tuzilgan va chorshanba kuni futbolchini yangi klubida tibbiy ko‘rikdan o‘tkazish rejalashtirilgan.

Eslatib o‘tamiz, Mendes "Lion"da 2019 yildan buyon o‘ynab kelmoqda. Transfermarkt shartnomasi 2025 yilgacha amal qiladigan 31 yoshli yarim himoyachining narxini besh million yevroga baholamoqda.