"Фенербахче" президенти Али Коч ярим ҳимоячи Арда Гюлер ёзги трансферлар вақтида жамоани тарк этишини айтди.

"У қандай шароитда кетиши аниқ бўлгач, керакли тушунтиришларни бераман. Арда кейинги мавсумда "Фенербаҳче"да бўлмайди", - дея Кочнинг сўзларини келтиради Goal.

Олдинроқ Мадриднинг “Реал” клуби Гюлер трансфери бўйича келишувни тез орада якунлаши ҳақида хабар берилганди. Мадридликлар 18 ёшли туркиялик учун 20 миллион евро тўлайди.

Ўтган мавсумда футболчи клуб сафида барча турнирлар доирасида 35 та ўйинда майдонга тушиб, 6 та гол урди ва 7 та голли узатмани амалга оширди. Transfermarkt портали футболчини 15 миллион еврога баҳоламоқда.