"Fenerbaxche" prezidenti Ali Koch yarim himoyachi Arda Gyuler yozgi transferlar vaqtida jamoani tark etishini aytdi.

"U qanday sharoitda ketishi aniq bo‘lgach, kerakli tushuntirishlarni beraman. Arda keyingi mavsumda "Fenerbahche"da bo‘lmaydi", - deya Kochning so‘zlarini keltiradi Goal.

Oldinroq Madridning “Real” klubi Gyuler transferi bo‘yicha kelishuvni tez orada yakunlashi haqida xabar berilgandi. Madridliklar 18 yoshli turkiyalik uchun 20 million yevro to‘laydi.

O‘tgan mavsumda futbolchi klub safida barcha turnirlar doirasida 35 ta o‘yinda maydonga tushib, 6 ta gol urdi va 7 ta golli uzatmani amalga oshirdi. Transfermarkt portali futbolchini 15 million yevroga baholamoqda.