Навбатдаги Европа чемпионати бошланишига бир йилдан камроқ вақт қолди. Чоршанба куни ташкилотчилар турнир маскотининг номини эълон қилишди.
Айиқча Альберт (оригинали – Albärt) деб номланади. Бу вариант Бернардо, Бернхарт ва Герци фон Бэр номларини ортда қолдириб, 32 фоиз овоз олди.
Хабарингиз бор, Евро-2024 Германияда бўлиб ўтади. Турнир 14 июнда бошланиб, 14 июлда якунланади.
Қўшимча қиламизки, амалдаги Европа чемпиони Италия терма жамоаси ҳисобланади. Евро-2020 финалида Роберто Манчини шогирдлари Англияни пенальтилар сериясида мағлуб этишди. Ушбу турнир 2021 йилда коронавирус пандемиясининг таъсири туфайли бир йил кечикиб, ўтказилган.
