Navbatdagi Yevropa chempionati boshlanishiga bir yildan kamroq vaqt qoldi. Chorshanba kuni tashkilotchilar turnir maskotining nomini e’lon qilishdi.
Ayiqcha Albert (originali – Albärt) deb nomlanadi. Bu variant Bernardo, Bernxart va Gersi fon Ber nomlarini ortda qoldirib, 32 foiz ovoz oldi.
Xabaringiz bor, Yevro-2024 Germaniyada bo‘lib o‘tadi. Turnir 14 iyunda boshlanib, 14 iyulda yakunlanadi.
Qo‘shimcha qilamizki, amaldagi Yevropa chempioni Italiya terma jamoasi hisoblanadi. Yevro-2020 finalida Roberto Manchini shogirdlari Angliyani penaltilar seriyasida mag‘lub etishdi. Ushbu turnir 2021 yilda koronavirus pandemiyasining ta’siri tufayli bir yil kechikib, o‘tkazilgan.
