"ПСЖ"нинг янги бош мураббийи Луис Энрике 2023/24 йилги мавсумдаги мақсадлари ҳақида гапирди. 5 июль куни клуб мутахассис билан 2 йиллик шартнома имзолади.
53 ёшли испанияликнинг фикрича, парижликларнинг асосий мақсади Чемпионлар лигаси бўлади.
"Чемпионлар лигаси - бизнинг мақсадимиз. Амбицияли бўлиш ажойиб. Бу синов, лекин мен бунга тўлиқ тайёрман.
Менинг услубим ҳар куни қандай яшашимни акс эттиради. Мен футболчи бўлганман, “Барселона”да ўйнаганман, катта клубларни бошқарганман, юлдузлар билан ишлаганман ва футболчиларнинг худбин ва ақлли эканлигини биламан. Агар уларга ёрдам бериш учун келганингизни тушунишса, улар сизни қўллаб-қувватлайдилар. Улар учун саҳнани тайёрлаш керак - ва улар ўзларини исботлайдилар", - деди мураббий.
