Москванинг "Спартак" клуби қизиқиш билдираётган Лондоннинг "Тоттенхэм" клуби ҳимоячиси Давинсон Санчес Испания чемпионатига йўл олиши мумкин.
Mundo Deportivo нашри хабар беришича, 27 ёшли колумбиялик футболчининг хизматларига "Вильярреал" қизиқиш билдирмоқда. "Сариқ сув ости кемаси" Санчесни "Астон Вилла" билан шартнома имзолаш арафасида турган Пау Торресга муқобил вариант сифатида кўриб чиқмоқда.
Давинсон 2017 йилнинг ёзидан буён “Тоттенхэм” сафида ўйнаб келмоқда. Футболчи ва "шпорлар" ўртасидаги амалдаги шартнома келаси йили тугайди.
Ўтган мавсумда Санчес Премьер-лигада 18 та ўйинда майдонга тушиб, битта сариқ карточка олди.
