"Челси" жорий трансфер ойнасида Раҳим Стерлингни сотмоқчи эмас.
Лондонликлар аллақачон кўплаб ўйинчилар билан хайрлашишга муваффақ бўлди ва Стерлинг, миш-мишларга кўра, кетиш учун навбатдаги номзодлардан бири бўлиши мумкин эди.
Журналист Бен Жейкобснинг ёзишича, "Челси" қанот ҳужумчисини сотиш ҳақида ўйламаяпти. 28 ёшли футболчи бор эътиборини ҳозирги жамоасига қаратган ва янги мураббий Маурисио Почеттино қўл остида ўзини кўрсатиш ниятида.
Раҳим Стерлинг ўтган ёзда "Манчестер Сити"дан 55 миллион евро эвазига "Челси"га ўтган эди. Англиялик футболчининг "кўклар" билан шартномаси 2027 йилнинг ўрталарига қадар тузилган.
