"Chelsi" joriy transfer oynasida Rahim Sterlingni sotmoqchi emas.
Londonliklar allaqachon ko‘plab o‘yinchilar bilan xayrlashishga muvaffaq bo‘ldi va Sterling, mish-mishlarga ko‘ra, ketish uchun navbatdagi nomzodlardan biri bo‘lishi mumkin edi.
Jurnalist Ben Jeykobsning yozishicha, "Chelsi" qanot hujumchisini sotish haqida o‘ylamayapti. 28 yoshli futbolchi bor e’tiborini hozirgi jamoasiga qaratgan va yangi murabbiy Maurisio Pochettino qo‘l ostida o‘zini ko‘rsatish niyatida.
Rahim Sterling o‘tgan yozda "Manchester Siti"dan 55 million yevro evaziga "Chelsi"ga o‘tgan edi. Angliyalik futbolchining "ko‘klar" bilan shartnomasi 2027 yilning o‘rtalariga qadar tuzilgan.