Ярим ҳимоячи Давиде Фраттези "Сассуоло"дан "Интер"га ўтди.
"Нерадзуррилар" матбуот хизмати 23 ёшли футболчининг трансфери ҳақида расман эълон қилди. Маълумки, Италия терма жамоаси ярим ҳимоячиси келаси мавсумни "Интер"да ижара асосида ўтказади, шундан сўнг уни Милан клуби сотиб олади - бу келишувнинг мажбурий шартидир. Келажакдаги трансфернинг тахминий суммаси 25 миллион еврони ташкил қилади.
Давиде Фраттези 2017 йилдан бери "Сассуоло"га тегишли. А Сериянинг сўнгги мавсумида у жамоа учун 36 та ўйин ўтказиб, ўз ҳисобига 7 та гол ёздириб қўйган.
Футболчи ўтган йилнинг июнь ойида Италия терма жамоаси сафида дебют қилди ва ҳозиргача беш марта майдонга тушган.