Yarim himoyachi Davide Frattezi "Sassuolo"dan "Inter"ga o‘tdi.
"Neradzurrilar" matbuot xizmati 23 yoshli futbolchining transferi haqida rasman e’lon qildi. Ma’lumki, Italiya terma jamoasi yarim himoyachisi kelasi mavsumni "Inter"da ijara asosida o‘tkazadi, shundan so‘ng uni Milan klubi sotib oladi - bu kelishuvning majburiy shartidir. Kelajakdagi transferning taxminiy summasi 25 million yevroni tashkil qiladi.
Davide Frattezi 2017 yildan beri "Sassuolo"ga tegishli. A Seriyaning so‘nggi mavsumida u jamoa uchun 36 ta o‘yin o‘tkazib, o‘z hisobiga 7 ta gol yozdirib qo‘ygan.
Futbolchi o‘tgan yilning iyun oyida Italiya terma jamoasi safida debyut qildi va hozirgacha besh marta maydonga tushgan.
