"Барселона"нинг собиқ ҳимоячиси, ҳозирда эркин агент мақомида турган Жорди Альба бугун “Интер Майами” футболчисига айланади.
Бу ҳақда Miami Herald нашри хабар бермоқда. Томонлар шартнома бўйича келишиб олишган.
Флорида штатидаги жамоада Альба собиқ жамоадошлари Лионель Месси ва Серхио Бускетс билан бирлашади. Ҳужумчи ва ярим ҳимоячи ўтган ой "Интер Майами"га кўчиб ўтганди.
Ўтган мавсумда Жорди барча турнирларда "кўк-анорранглилар" сафида 24 та учрашувда иштирок этган. Ҳимоячи иккита гол урди ва учта голли узатмани амалга оширди. Жамоа билан биргаликда у Ла Лига чемпионига айланди.
