Мюнхеннинг "Бавария" клубини тарк этган 33 ёшли нидерландиялик ҳимоячи Дейли Блинд Испания чемпионатида ўйнаш имкониятига эга. Бу ҳақда инсайдер Фабрицио Романо ижтимоий тармоқлар орқали маълум қилди.
Инсайдернинг малум қилишича, "Жирона" тажрибали футболчининг хизматларига қизиқиш билдирмоқда. Испания клуби ҳозирда эркин агент бўлган Блинд билан шартнома имзолашга тайёр. Яқин кунларда Дейли тиббий кўрикдан ўтади ва шартнома имзолайди.
Ҳимоячи ўтган мавсумни "Аякс"да бошлаган ва қишки трансфер ойнасида "Бавария"га ўтганди. Мюнхенликлар таркибида у Бундеслигада тўртта ўйин ўтказган.
