"Челси" бош мураббийи Маурисио Почеттино ярим ҳимоячи Мейсон Маунтнинг "Манчестер Юнайтед"га кетиши ҳақида гапирди. Эслатиб ўтамиз, "кўклар" футболчи учун тахминан 55 миллион евро олишган.
"Мен бу ҳақда гапиришдан маъно кўрмаяпман. Мен фақат ўз таркибимдаги ва биз таклиф қилишимиз мумкин бўлган футболчилар ҳақида гапиришим мумкин. Биз келажакка эътибор қаратамиз. Мейсон энди "Манчестер Юнайтед" футболчиси. У "Челси"ни яхши кўради, лекин ўтмишда нима бўлганини билмайман", — деди Почеттино матбуот анжуманида.
Аввалроқ Маунт раҳбариятнинг айби туфайли "Челси"ни тарк этганига шаъма қилган эди. Мейсоннинг "Челси" билан шартномаси тугашига бир йил қолганди.
