"Челси" бош мураббийи Маурисио Почеттино ҳужумчи Ромелу Лукаку 12-13 июль кунлари жамоага қайтиши кераклигини айтди.
Эслатиб ўтамиз, аввалроқ бельгиялик футболчи ўтган мавсумда ижара асосида ўйнаган "Интер"да қолиш умидини ҳамон йўқотмагани ҳақида хабар берилганди.
“У 12-13 июль кунлари қайтиб, мавсумолди тайёргарликни бошлаши керак. Биринчидан, у менинг офисимга келиб, ўзаро суҳбатлашиши керак.
Агар у ўзини ҳали ҳам "Челси" футболчиси деб ҳисобласа, буни қилиши керак", деди Почеттино матбуот анжуманида.
Лукаку ўтган мавсумда А серияда 10 та гол урди, аммо "Интер"да барқарор ўйин кўрсата олмади.