"Интер"нинг 29 ёшли ярим ҳимоячиси Роберто Гальярдини А Сериянинг "Монца" клуби футболчисига айланди. Бу ҳақда “оқ-қизиллар” матбуот хизмати хабар берди.
Гальярдини янги жамоага эркин агент сифатида келди. У бир неча кун олдин "нерадзуррилар" лагерини тарк этганди.
Италиялик футболчининг янги клуби билан шартномаси бир мавсумга мўлжалланган, бироқ томонлар бир қатор шартларни ҳисобга олган ҳолда уни узайтириши мумкин.
Эслатиб ўтамиз, "Монца" ўтган мавсумни А серияда турнир жадвалида 11-ўринда якунлаганди.
