Англиянинг 21 ёшгача бўлган терма жамоаси Европа чемпионати финалига йўл олганди. Бу ҳақида жамоа бош мураббийи Ли Карсли фикр билдирди. У Испанияга қарши финал ўйини олдидан шундай дейди:
"Мен футболчиларга қўлимдан келганча мотивация бераяпман. Биринчи навбатда, улар бундай имкониятга бошқа ҳеч қачон эга бўлмасликларини билиши керак. Финал баҳси тугаши билан таркибнинг айрим вакиллари қайтиб бу мусобақада ўйнай олмайди. Шундай экан, улар финалга борини бериши керак.
Турнирга терма жамоадан уч ёш тоифасидаги, 19, 20 ва 21 ёшли терма жамоадан йиғилган футболчилар билан келдик. Улар бир-бирини яхши билади. Негаки, улар қарама-қарши жамоаларда кўп марта тўқнаш келган. Менимча, бугун натижага эришишнинг айни вақти".
Финал баҳси бугун, Ўзбекистон вақти билан 21:00да старт олади.
