27 октябрь куни Бухорода ўтказилиши керак бўлган Ўзбекистон Биринчилиги II босқич 15-тур доирасидаги «Бухоро-2» - «Чуст-Пахтакор» учрашувига келмагани учун «Чуст-Пахтакор» ПФКга жазо чоралари кўрилди.

2012 йилги Ўзбекистонда ноҳаваскор ва ярим профессионал футбол клублари ўртасида мусобақаларни ўтказиш Регламентининг 4-моддаси, 4.25-бандига мувофиқ, «Чуст-Пахтакор» ПФКга техник мағлубият (-:+), «Бухоро-2» ПФКга техник ғалаба (+:-) ёзилди ва мос равишда мусобақа жадвалида жамоа ҳисобига 3 очко ёзиб қўйилди.

Ушбу ҳолат яна такрорланадиган бўлса, «Чуст-Пахтакор» ПФКга янада кучлироқ жазо чоралари ва жарима санкциялари қўлланилади.