Todofichajes хабарига кўра, словениялик дарвозабон Ян Облак ёзда "Атлетико"ни тарк этиши мумкин.
Дарвозабоннинг фаолиятини давом эттириш вариантлари орасида Миланнинг "Интер" клуби ҳам бор.
"Нерадзуррилар" Облакни тез орада "Манчестер Юнайтед" билан шартнома имзолайдиган Андре Онананинг ўрнига таклиф қилишлари мумкин.
Словенияликнинг трансфери Италия топ-клубига 50-70 миллион еврога тушиши мумкин. Яннинг амалдаги клуби билан шартномаси 2028 йилнинг июнь ойи охиригача амал қилади.
Облак 2014 йилнинг ёзидан буён "матрасчилар"да ўйнаб келмоқда. Испания чемпионати якунланган мавсумида 30 ёшли дарвозабон 28 та ўйин ўтказиб, 20 та гол ўтказиб юборди. 13 ўйинда у ўз дарвозаси дахлсиз сақлаб қолди.
