Туриннинг "Ювентус" клуби "Лацио"га шартномаси бир йилдан кейин тугайдиган ярим ҳимоячи Сергей Милинкович-Савич учун ўз футболчиси ва пул таклиф қилишга тайёр. Журналист Альфредо Педулланинг ёзишича, “кекса синьора” “бургутлар”га 20 миллион евро ва Лука Пеллегрини таклиф қилмоқда.
Эслатиб ўтамиз, Пеллегрини ўтган мавсумнинг иккинчи ярмини "Лацио"да ижарада ўтказган эди. Италиялик футболчи жамоаси сафида чемпионатда 7та ўйин ўтказишга муваффақ бўлди. Қайд этилишича, “Лацио” ҳозирча бу таклифга жавоб бермаган. Якуний сўз Римликлар президенти Клаудио Лотитода қолади.
Милинкович-Савич аввалроқ "Ювентус"га ўтишга тайёрлигини билдирган эди.
