Аргентиналик ҳужумчи Лионель Месси фаолиятини «Барселона»да якунлашни хоҳлашини таъкидлаб ўтди. Бу ҳақда футболчи «Олтин бутса» совринин қўлга киритганидан кейин ташкил этилган матбуот анжуманида гапириб ўтди.
«Мен «Барселона»дан жуда миннатдорман. Бу жамоа менга футболдаги барча орзуларим ушалишига ёрдам бермоқда. Футболчилик фаолиятимни айнан «Барселона» аъзоси сифатида тугатишни хоҳлайман. Бутсалармни михга илаётганимда ҳам «Барселона» футболчиси бўлиб қолишга умид қиламан. Ҳозир янада ўсишим учун «Барселона» таркибида бўлишим жудаям муҳим», дея Мессининг сўзларидан иқтибос келтирмоқда клуб расмий сайти.













