Испаниянинг Сан Себастьян шаҳрида ўсмирлар ва ёшлар ўртасида 31-марта ўтказилаётган “Donosti Cup – 2023” халқаро турнирида иштирок этган Бекободнинг “Металлург U-17” жамоаси кучли саккиз жамоа сафидан ўрин эгаллади. Шуни эътироф этиш керакки, чорак финалга мазкур ёш тоифасида хорижликлардан фақатгина Ўзбекистон жамоаси йўлланма олди!

Бекободлик ёшлар нимчорак финалда  Испаниянинг кучли жамоаларидан бири“Зестора ФТ U-19” жамоасига қарши майдонга чиқиб, 2:1 ҳисобида зафар қучишди. Голларни Асрор Шамсутдинов ҳамда Акобир Абдуллажоновлар киритишди.

 Мусобақа муддати охирлашиб бораётганлиги боис ташкилотчилар бугунинг ўзида чорак финал баҳсларини ҳам ўтказишди. Куннинг иккинчи ярмида ҳамшаҳарларимиз турнирнинг уч карра чемпиони “CFS Team A U19” жамоасига қарши майдонга тушишди. Испаниянинг гранд жамоалари – “Атлетико” (Мадрид), “Хетафе” ҳамда “Райо Вальекано” ёшлар жамоалари ўйинчиларидан ташкил топган Мадрид шаҳри терма жамоаси маҳорат ва тажриба борасида “Металлург”дан устун эканлигини исботлади. Учрашув ёшларимиздан икки ёш катта бўлган мадридликлар фойдасига якунланди – 0:2.

“Donosti Cup – 2023” халқаро турниридаги иштирок “Металлург U-12” ҳамда “Металлург U-17” жамоаларимиз учун катта тажриба мактаби вазифасини ўтаб берди.