"Барселона" ҳимоячиси Херарл Пике жамоа ҳужумчиси Лионель Мессини ўтган мавсумнинг энг яхши тўпурари унвонига сазовор бўлганлиги билан табриклади, дея хабар беради испан матбуоти.
Аргентиналик футболчига "Олтин бутса" Барселона шаҳрида топширилди.
"Мен фарзандларимга барча замонларнинг энг яхши футболчиси - Месси билан бирга тўп тепганимни сўзлаб бераман. Леони табриклайман", - дейди Пике.
Эслатиб ўтамиз, Месси 50 гол уриб, "Реал" ҳужумчиси Криштиану Роналдунинг тўртта тўпга ортда қолдирди. Месси маросимда "Барселона"даги жамоадошларидан миннатдор эканлиги ва уларсиз бунча тўп кирита олмаган бўлишини айтиб ўтди.
Месси 2010 йилад ҳам "Олтин бутса"ли бўлган эди. Бунинг учун унга 34 гол етарли бўлган эди.













