Мадриднинг "Атлетико" клуби ҳужумчиси Радамель Фалкао ўз клубига содиқлигини яна бир бор таъкидлади, дея хабар беради испан матбуоти.
Колумбия терма жамоаси ҳужумчиси ўзининг ўйини ва кўплаб голлари сабаб Европа грандларининг эътиборини тортди. Испания ОАВ футболчини қўлга киритиш учун "Реал" клубининг аллақачон жаддий қадам қўйганлиги ҳақида хабарлар тарқатган эди.
"Мен "Атлетико"ни тарк этишни ўйламаганман ва ўйламайман ҳам. Бунда фикр менинг хаёлимга келмайди. Аммо мухлисларга "Атлетико"да қолишим ҳақида кафолат бера олмайман, чунки бу фақат менга боғлиқ масала эмас. Клубнинг ўз вазифа ва заруратлари бор. Бундан ташқари жамоанинг натижалари ҳам охирги рольни ўйнамайди. Омиллар кўп, аммо айтишим мумкинки, мен "Атлетико"да бахтлиман", - дейди колумбиялик футболчи.
