"Манчестер Юнайтед" марказий ҳимоячиси Харри Магуайр янги мавсумда сардор бўлмайди.
30 ёшли футболчи ўтган мавсумда Эрик тен Хагнинг асосий варианти эмас эди, лекин сардорлик боғичини сақлаб қолди.
Sun Sport хабарига кўра, вазият тез орада ўзгаради: "Манчестер Юнайтед" янги ҳафтада англияликни расман сардорлик мақомидан маҳрум қилади. Ролни ким эгаллаши ҳали эълон қилинмаган.
Харри Магуайр "қизил иблислар" сафида 2019 йилдан бери ўйнаб келади. У "Лестер"дан 87 миллион евро эвазига сотиб олинган. Футболчининг клуб билан амалдаги шартномаси 2025 йилнинг ўрталарига қадар тузилган.
