Туркиянинг Анқара шаҳрида таэквондо WT бўйича “Turkish Open” мусобақаси ўз ниҳоясига етди. Мусобақанинг сўнгги кунида даянга чиққан саккиз нафар ҳамюртимизнинг ярми ғолиб ва совриндорлар қаторидан жой олди. Аҳамиятлиси, -74 кг вазн тоифасида икки нафар ҳамюртимиз Жасур Жайсунов ҳамда Нажмиддин Қосимхўжаев ўзаро баҳс олиб боришди. Қизиқарли учрашувда Осиё чемпиони Жайсуновнинг қўли баланди келди. Умумий ҳисобда Ўзбекистон катталар терма жамоаси мазкур мусобақани 3 та олтин, 1 тадан кумуш ҳамда бронза медаллари билан якунлашди. Барча ғолиб ва совриндорлар:
Олтин медаль:
-74 кг: Жасур Жайсунов
-87 кг: Никита Рафалович
-49 кг: Мадинабону Маннопова
Кумуш медаль:
-74 кг: Нажмиддин Қосимхўжаев
Бронза медаль:
-54 кг: Омонжон Отажонов
Шунингдек, мусобақанинг кадетлар тоифасида Ислом Акчурин ҳамда Азизбек Сатторов олтин, Лайло Ҳасанова бронза медалини қўлга киритди.
