Аргентиналик футбол афсонаси Диего Марадона Англия қуйи дивизиони — чемпионшип вакили «Блэкберн» жамоасини бошқариши мумкин, дея хабар бермоқда Британия матбуоти.
Манбаларда ёзилишича, «дайдилар» хўжайини маслаҳатчиси Шеббе Сингх мураббий билан музокараларни бошлаб юборган. Олдинроқ клуб раҳбарлари «Тоттенҳэм»да ишлаб келган Тим Шервуд ва «Фулҳэм» мураббийи Билли Маккинлэй билан келишувга эриша олмаганди.
Эслатиб ўтамиз, «Блэкберн» мураббийлик курсиси Стив Кин кетгач, бўшаб қолган. Диего Марадонанинг сўнгги иш жойи эса БААнинг «Ал-Васл» клуби бўлганди.