Англия лига кубогида Лондоннинг "Арсенал" клуби "Рединг" меҳмони бўлди. Бу ўйиннинг ривожи фантастика ёки триллер жанрига мос бўлди. Ҳар томонлама!

Эътибор беринг. Ўйиннинг 37-дақиқасига келиб, мйдон эгалари 4:0 ҳисобида олдинга чиқиб олишди. Биринчи бўлимнинг сўнгги сонияларида (45+2) "Арсенал" битта жавоб тўпини киритишга муваффақ бўлди. Иккинчи бўлимда, 64-дақиқада ҳисоб 4:2га ўзгарган бўлса, ўйиннинг 88 ва 90+5 (!) дақиқаларда Арсен Венгер шогирдлари яна 2та тўп киритиб, ҳисобни тенглаштиришга муваффақ бўлди.

Қўшимча таймлар белгиланди. Унинг биринчиси якунида Шамах энди лондонликларни ҳисобда олдинги олиб чиқди. 117-дақиқада, яъни қўшимча бўлимлар тугашига 3 дақиқа қолганида Павел Погребняк ҳисобни тенглаштирди — 5:5!

Бу ҳали ҳаммаси эмасди. Ҳакам томонидан қўшимча бўлимларнинг иккинчисига қўшиб берилган компенсация вақтида "Арсенал" яна 2та тўп киритишга муваффақ бўлди — 120+1 ва 120+3да! Якуний ҳисоб — 5:7.

Бу ўйинда Уолкотт "хет-трик"ка, Шамах эса "дубл"га эришди.

АНГЛИЯ ЛИГА КУБОГИ
РЕДИНГ - АРСЕНАЛ - 5:7 (4:1)
Голлар: Робертс, 12 (1:0). Косьельни, 18-автогол (2:0). Лейгертвуд, 19 (3:0). Хант, 37 (4:0). Уолкотт, 45+2 (4:1). Жиру, 64 (4:2). Косьельни, 88 (4:3).Уолкотт, 90+5 (4:4). Шамах, 103 (4:5). Погребняк, 117 (5:5). Уолкотт, 120+1 (5:6). Шамах, 120+3 (5:7).
"Рединг": Федеричи, Гантер, Горкш, Моррисон, Шоури, Табб, Маклири (Макануфф 73), Лейджертвуд, Робсон-Кану, Робертс (Черч 90), Хант (Погребняк 73).
"Арсенал": Мартинес, Женкинсон, Косьелни, Джуру, Микель (Миде 105), Аршавин, Фримпонг (Жиру 62), Кокелен, Уолкотт, Шамах, Гнабри (Айсфельд 62).