“Ульсан Хёндэ” – “Бунёдкор” жамоалари ўртасидаги ўйин бошланишига 1 соатдан кам вақт қолди. “Бунёдкор” ўйин бўладиган “Мунсу Кап” стадионига етиб келди ва ўйинга чигалёзди машғулотини бошлади.
Ўйиндан олдин ҳар иккала жамоа бош мураббийлари ОФКнинг расмий ҳамкор World Sport Group вакилига интервью беришди. Миржалол Қосимовнинг жавобларини эътиборингизга ҳавола қиламиз.
— Бугунги ўйин қандай бўлади деб ўйлайсиз?
— Бизни қизиқаррли ўйин кутиб турибди. Ҳар иккала жамоа ғалабага ҳаракат қилади. Биринчи ўйинда мағлубиятга учраганимизга қарамай, вазиятни ўнглашга ҳаракат қиламиз. Умид энг сўнгги бўлиб сўнади, деб бекорга айтишмаган.
— Жамоангизда финалга чиқиш учун имконият бор деб ҳисоблайсизми?
— Ҳа, албатта. Бу — футбол. Унда ҳамма нарса содир бўлиши мумкин. Агар адашмаётган бўлсам, “Сёнгнам” ушбу мусобақада аввал меҳмонда “Ал-Иттиҳод”ни 3:1 ҳисобида енгиб, кейин ўз уйида 0:5 ҳисобида ютқазганди. Яримта бўлса ҳам имкониятимиз бор экан, биз курашамиз.
Мирзаҳаким Тўхтамирзаев
Ульсан, Жанубий Корея
