"Вест Хэм" ҳужумчиси Жанлука Скамакка "Рома"да ўйнаш истагини яширмади.
24 ёшли италиялик футболчи Англияга кўчиб ўтганидан сўнг биринчи мавсумида ўзини кўрсата олмади. Кўплаб миш-мишларга кўра, ҳужумчи тез орада ўз ватанига қайтиши мумкин, у ерда унинг хизматларига "Рома", "Ювентус" ва "Милан" қизиқиш билдирмоқда.
"Рома" менинг уйим, Моуриньо қўл остида ўйнаш - ҳақиқий орзу. Ишончим комилки, бундай мураббий билан ишлаганимда сезиларли даражада ўсган бўлардим", - деди "Рома"да фаолиятини бошлаган "болғачилар" футболчиси La Gazette Dello Sport нашрига берган интервьюсида.
Жанлука Скамакканинг "Вест Хэм" билан шартномаси 2027 йилгача мўлжалланган. Ўтган йилнинг июль ойида Лондон клуби "Сассуоло"дан 36 миллион евро эвазига футболчи сотиб олганди.
