Учрашувдан кейинги матбуот анжуманида “Бунёдкор” устози “Ульсан”ни финалга йўлланма олгани билан муборакбод этди.

- Аввало “Ульсан Хёндэ”ни муваффақият билан табрикламоқчиман. Футболда шундай ҳолатлар бўлиб туради – кимдур ютқазади, кимдур курашни давом эттиради. Шогирдларим бир неча голли вазиятлар содир этишларига қарамасдан улардан унумли фойдалана олишмади. Рақиб эса ўз имкониятларидн тўлиқ фойдаланди. Аввал ҳам айтиб ўтганман “Ульсан”нинг ҳужум чизиғи жуда кучли. Бу ҳақиқат. “Ульсан Хёндэ”га кейинги учрашувларда омадлар тилайман, - дейди Миржалол Қосимов.

- Сиз бунгача икки корейс клуби устидан ғалаба қозондингиз ва Жанубий Корея терма жамосига муносиб қаршилик кўрсатдингиз. “Ульсан”дан учралган мағлубиятнинг сабаби нимада деб ўйлайсиз?

- Тошкентдаги баҳсда яратган голли вазиятларимиздан фойдалана олмагандик. Бугун ҳам камида уч бора юз фоизли имкониятларга эга бўлдик. Бироқ биз ура олмадик, рақиб эса гол урди.