"Барселона" президенти Жоан Лапорта ҳужумчи Ансу Фатининг Каталония клубидаги келажаги ҳақида гапирди.
“Ансу “Барса”да ва у муваффақиятга эришмоқчи. Унинг тўпурар бўлиш қобилияти бор. Хави менга Левандовски ва Ансу машғулотларда энг кўп гол уришганини айтди. Ансу "Барса"да муваффақият қозонишни истайди, Хави унга бу имкониятларни беришга қарор қилади. Ҳужумда ўйинчилар бор, лекин биз ўтган мавсумда бўлганидек ротацияни зарурат билан эмас, балки нормага айлантиришимиз керак. Бу ҳал қилинмаган муаммолардан бири: янги жароҳатлардан қочиш учун ниманидир ўзгартиришимиз керак. Ҳужумда Рафинья, Дембеле, Ансу, Левандовски, Абде ва Ферран бор. Бу жуда зўр", - дея Лапорта сўзларини келтиради Mundo Deportivo.