“Лидс” ҳужумчиси Родриго Морено Европа қитъасини тарк этишга бир қадам қолди. Журналист Фабрицио Романо хабарига кўра, Қатарнинг "Ар-Райян" жамоаси испаниялик футболчининг трансфери бўйича келишиб олган.
Манбанинг хабар беришича, Родриго ҳозирда тиббий кўрикдан ўтмоқда ва унинг трансфери бўйича барча ҳужжатлар бироз кейинроқ имзоланиши керак. Битим шартлари ва "Лидс" оладиган товон миқдори ҳозирча маълум эмас.
Эслатиб ўтамиз, Родриго 2020 йилнинг ёзидан буён "товуслар" сафида тўп тепмоқда.