“Lids” hujumchisi Rodrigo Moreno Yevropa qit’asini tark etishga bir qadam qoldi. Jurnalist Fabrisio Romano xabariga ko‘ra, Qatarning "Ar-Rayyan" jamoasi ispaniyalik futbolchining transferi bo‘yicha kelishib olgan.
Manbaning xabar berishicha, Rodrigo hozirda tibbiy ko‘rikdan o‘tmoqda va uning transferi bo‘yicha barcha hujjatlar biroz keyinroq imzolanishi kerak. Bitim shartlari va "Lids" oladigan tovon miqdori hozircha ma’lum emas.
Eslatib o‘tamiz, Rodrigo 2020 yilning yozidan buyon "tovuslar" safida to‘p tepmoqda.













