CBC журналисти Бен Жейкобснинг сўзларига кўра, ФИФА томонидан "Ан-Наср"га трансферларни амалга ошириш тақиқланган.
Саудия Арабистони клуби ҳужумчи Аҳмад Мусанинг трансфери учун "Лестер"га бонусларни тўламагани учун жазоланди.
Шартнома шартларига кўра, агар Муса жамоада ўйнаб, муайян мақсадларга эришса, риёдликлар 460 минг евро тўлаши керак эди. Спорт арбитраж суди (CAS) “Лестер” фойдасига қарор чиқарганига қарамай, клуб ҳалигача тўловни амалга оширгани йўқ.
Португалиялик машҳур ҳужумчи, “Олтин тўп”нинг беш карра соҳиби Криштиану Роналду “Ан-Наср” сафида тўп тепмоқда. Ушбу ёзда клуб “Интер” ярим ҳимоячиси Марсело Брозовични сотиб олди.
