"Ланс"нинг бельгиялик ҳужумчиси Луи Опенданинг "РБ Лейпциг"га ўтиши бўйича узоқ давом этган музокаралар ниҳоясига етмоқда.
Kicker хабарига кўра, ҳужумчи яқин орада "буқалар" сафига қўшилади. Хабар қилинишича, клублар бонусларни ҳисобга олмаганда 38 миллион еврога келишиб олишган. Янги футболчининг шартномаси 2028 йилгача мўлжалланган.
Луи Опенда Франция чемпионатининг 38 ўйинида 21 та гол урди. "Ланс" чемпионлар лигасининг гуруҳ босқичига чиқди ва турнир жадвалида иккинчи ўринни эгаллади.
Transfermarkt портали 23 ёшли ҳужумчининг нархини 35 миллион еврога баҳоламоқда.