"Lans"ning belgiyalik hujumchisi Lui Opendaning "RB Leypsig"ga o‘tishi bo‘yicha uzoq davom etgan muzokaralar nihoyasiga yetmoqda.

Kicker xabariga ko‘ra, hujumchi yaqin orada "buqalar" safiga qo‘shiladi. Xabar qilinishicha, klublar bonuslarni hisobga olmaganda 38 million yevroga kelishib olishgan. Yangi futbolchining shartnomasi 2028 yilgacha mo‘ljallangan.

Lui Openda Fransiya chempionatining 38 o‘yinida 21 ta gol urdi. "Lans" chempionlar ligasining guruh bosqichiga chiqdi va turnir jadvalida ikkinchi o‘rinni egalladi.

Transfermarkt portali 23 yoshli hujumchining narxini 35 million yevroga baholamoqda.