"Сельта" раҳбарияти ҳужум чизиғини кучайтириш имкониятларини ўрганмоқда.
Журналист Маттео Мореттонинг Relevo нашрига таяниб хабар беришича, испанлар Хорватия терма жамоаси ва Загребнинг "Динамо" клуби ҳужумчиси Бруно Петковичга қизиқиш билдирмоқда. Потенциал битим шартлари ошкор этилмаган.
Эслатиб ўтамиз, Петкович 2018 йилдан бери маҳаллий топ-клубда ўйнаб келмоқда. 208 учрашувда футболчи 64 та гол урган.
Қатардаги жаҳон чемпионатида Бруно чорак финалда Бразилияга қарши ўйинда гол уриб, жамоасининг кейинги босқичга чиқишига ёрдам берди.
Transfermarkt портали 28 ёшли ҳужумчининг нархини 5 миллион еврога баҳоламоқда.