"Интер"га янги келган ҳимоячи Янн Биссек клуб билан шартнома имзолангани ҳақида фикр билдирди.

“Ҳар бир футболчи буюк клубда ўйнашни орзу қилади. “Интер” эса дунёнинг энг муҳим клубларидан бири”, - дейди Биссек. “Албатта, мен жуда хурсандман ва бундан ташқари, жуда фахрланаман. “Интер”дек клубнинг менга қизиқиш билдиргани фаолиятим учун жуда яхши. Мен бор кучим билан ҳаракат қиламан, шунинг учун ҳаммаси яхши бўлади деб ўйлайман."

22 ёшли германияликнинг шартномаси 5 мавсумга мўлжалланган.

Биссек "Кёльн" тарбияланувчиси ҳисобланади. 2021 йилдан бери ҳимоячи Даниянинг "Орхус" жамоасида ҳаракат қилаётган эди.